Aidhm

Is é cuspóir an chúrsa seo oiliúint sa Ghaeilge a chur ar fáil le go mbeidh siad siúd a ghlacann páirt ann in ann a ngnó pearsanta agus gairmiúil a dhéanamh go cruinn agus go héifeachtach trí mheán na Gaeilge. Déantar gnéithe éagsúla de litríocht agus de shaíocht na Gaeilge a chlúdach chomh maith.

Nóta faoi Stádas

Glactar le Dioplóma sa Ghaeilge ó OÉ Má Nuad in áit onóracha ag an Ardleibhéal sa Ghaeilge san Ardteistiméireacht mar riachtanas iontrála don Chúrsa Iarchéime sa Bhunmhúinteoireacht.

Soláthar agus struchtúr an chúrsa

• Is cúrsa páirtaimseartha thar dhá bhliain é seo
• Reáchtálfar an cúrsa in Ollscoil na hÉireann, Má Nuad (Máirt) agus ar champas na hOllscoile i gCill Chainnigh (Déardaoin)
• Beidh rang 3 uair an chloig ann in aghaidh na seachtaine
• Ina theannta sin, tionólfar trí cheardlann i rith na bliana ina ndéantar cíoradh ar ábhair a bhaineann le saol na Gaeilge (Satharn)
• Caithfidh na mic léinn deireadh seachtaine i gceantar Gaeltachta i mí an Mhárta. Tá costas breise ag baint leis seo.
• Gabhann 60 pointe creidmheasa leis an gcúrsa
  
  

Ábhar an Chúrsa

• Labhairt
• Tuiscint
• Éisteacht

• Scríobh
• Gramadach
• Aistriúchán

I measc na nithe a ndíreofar orthu sna ceardlanna beidh:

• Saoithiúlacht na teanga (mar shampla, logainmneacha, sloinnte, béaloideas )
• Litríocht na Gaeilge
• An Ghaeilge sa saol comhaimseartha ( mar shampla, na meáin chumarsáide, an tAcht Teanga, an córas oideachais)

An cur chuige

• Beidh obair bheirte, obair ghrúpa, díospóireachtaí ina gcuid lárnach den teagasc.
• Bainfear úsáid as fístéipeanna, agallaimh agus áiseanna ríomhaireachta ar bhonn rialta.
• Seisiúin oibre phraiticiúla a bheidh sna ceardlanna. Beidh deis ag na rannpháirtithe dul i ngleic le cibé ábhar atá faoi chaibidil.

Measúnú

Bliain 1

• Obair leanúnach - 20%
• Scrúdú cainte - 30%
• Scrúdú scríofa - 40%
• Scrúdú cluastuisceana - 10%

Ní mór do rannpháirtithe pas a fháil i scrúduithe na chéad bhliana chun cáiliú don dara bliain den dioplóma.

Bliain 2

• Obair leanúnach - 20%
• Scrúdú cainte - 30%
• Scrúdú scríofa - 40%
• Cur i láthair - 10%

Riachtanais iontrála agus costas

Caighdeán maith Gaeilge idir labhairt agus scríobh. Caithfidh iarrthóirí pas a bheith acu san Ardteistiméireacht (ardleibhéal) nó a chomhionann. Beidh ar iarrthóirí nach gcomhlíonann an riachtanas seo scrúdú a dhéanamh le cinntiú go bhfuil an leibhéal cuí acu sa Ghaeilge.

Tuilleadh eolais

Ríomhphost: teanga@nuim.ie

• Iarratais (Is trí www.pac.ie a dhéantar iarratas)
• Applications (Applications must be made online through www.pac.ie)
  
• Áiseanna Gaeilge